Inindiyan ng ka-Valentine.. 54-anyos nag-amok, pumatay ng kapitbahay

Tinutugis na ng mga alagad ng batas ang 54-anyos na lalaki makaraang pagtatagain nito ang 74 years old na kapitbahay sa Pangasinan.

Kinilala ang biktimang nasawi na si Rogelio Maceda, 74, habang ang suspek ay si Danilo Hacerda, 54, walang asawa.

Ayon sa imbestigasyon, maghapong naglasing ang suspek matapos hindi siputin ng inaasahang ka-Valentine.

Una ay nagwala ang suspek sa kanilang bahay, nagbasag ng mga salamin at sinunog ang isang bahay-kubo.

Hanggang sa naghamon ng away sa kalsada at nilapitan ang nakaupong biktima saka pinagtataga sa ulo.

Nabatid na may kasamang ibang lalaki ang kasintahan nito.