Bangkay na tadtad ng bala, natagpuan

Negros Occidental — Isang bangkay ng lalaki ang natagpuan kamakalawa sa Bgy. Cabug, Bacolod City.

Ang biktima ay nakilalang si Nathan Zerrudo, 44-anyos, residente sa nasabing lungsod.

Nabatid na ilang residente ang nakatagpo sa bangkay ng biktima na nakagapos ang mga kamay at may mga tama ng bala sa iba’t ibang bahagi ng

katawan sa naturang barangay.

May hinala ang mga awtoridad na malaki ang atraso ng biktima kaya tinadtad ng bala hanggang sa mapatay ng mga suspek sa nasabing lugar.

Patuloy ang imbestigasyon ng mga awtoridad para mabatid ang motibo sa krimen at makilala ang mga salarin.