Iba pa rin ang nag-iingat besh... Tips para makaiwas sa COVID-19

Marami nang nata­ta­kot madapuan ng sakit mula nang kum­pirmahin ng Department of Health na mayroon nang kaso ng Coro­na­virus Disease 2019 (COVID-19) sa bansa. Una itong ku­malat sa Chi­na at mabilis na du­mami ang tinamaan nito kaya nababahala ang lahat na mahawa.

Ang COVID-19 ay virus na nagdudulot ng iba’t ibang klase ng sakit mula sa karani­wang ubo at sipon hang­gang sa malulubhang impeksi­yon. Narito ang mga dapat iwasan at gawin para hindi mahawahan nito:

1. PALAGING MAG­­HUGAS NG MGA KAMAY. Panatilihing malinis ang inyong mga kamay dahil dito unang kumakapit ang mga dumi ng ating mga hinahawakan nang hindi natin namamalayan. Pagkatapos maghugas ng mga kamay, siguradu­hing gagamit din ng hand sanitizer o alcohol para makasiguradong malinis ang mga ito.

2. IWASAN ANG CONTACT SA MAY SAKIT NA HAYOP. Kung may mga alaga kayong hayop na may sakit tulad ng baboy o manok, makabubuting iwasan muna ang pagha­wak sa mga ito para ma­ka­siguradong hindi ma­hahawa sa kanilang sakit.

3. TAKPAN ANG ILONG AT BIBIG. Iwasan ang matataong lugar, pero kung hindi maiwasan, siguraduhing takpan ang ilong at bibig tuwing uubo o babahing, lalo na kung may ubo o sipon. Sa ganitong para­an, hindi kakalat ang virus at hindi makahahawa sa iba.

4. IWASAN ANG MGA TAONG MAY SAKIT. Dahil mabilis makahawa ang mga sakit, mabuting maging mapagmatyag at ‘wag makipagsabayan sa bugso ng tao, gayundin. iwasan ang mga taong may sakit para hindi mahawa. Iiwas lang at hindi pandidirihan, ha? Ito ay bilang proteksi­yon sa iyong sarili.

5. UMINOM NG MARAMING TUBIG. Uminom ng maraming tubig at umiwas sa mga pagkain sa fastfood. Kumain ng masusustan­siyang pagkain tulad ng gulay at prutas. Ayon sa mga eksperto, dapat palakasin ang resisten­siya upang hindi mada­ling dapuan ng sakit.

6. UMINOM NG VITAMINS. Malaki ang naitutulong ng pag-inom ng vitamins para maiwasan ang pagka­karoon ng ubo at sipon dahil nagpapalakas ito ng ating pangangatawan. Ngunit, tandaan, ang mga bitaminang ito ay may tamang oras din ng pag-inom tulad ng Vitamins A, D, E at K. Mainam na isabay ito sa hapunan na may saturated fats o oil para ma-absorb ng ating katawan. Ang Vitamins B at C naman ay water-soluble na nasasama sa ihi ang mga sobra at hindi kailangan. Iniinom ito 30 minuto matapos kumain.

7. KUMONSULTA SA DOKTOR. Kapag nakararamdam ng mga sintomas tulad ng lagnat, ubo, sipon at hirap sa paghinga, kumonsulta agad sa pinakamalapit na doktor at ‘wag nang mag-self-meditate dahil eksperto lang ang makapagsasabi ng mga puwede at hindi puwedeng gawin sa ganitong pagkakataon.

Mga ka-BULGAR, ‘wag kalimutang ga­win ang mga nabang­git para sa inyong kalu­sugan at kaligta­san dahil hindi biro ang magkaroon ng ganitong sakit dahil ito ay nakamamatay.

Sa mga simpleng sintomas lang, hindi n’yo aakalain na malala pala ang epekto nito sa ating kalusugan kaya magdoble-ingat.

Okie?