Besh, ikaw ba ito o may kilala kang ganito? Tawag sa love na mas mahal ang sarili kaya ayaw makipag-

Ipagpatuloy natin ang pagtalakay sa iba’t ibang klase ng pag-ibig o love.

Narito ang iba pang klase ng love:

1. Agape – ito ang pag-ibig na walang kondisyon na hinihingi bilang kapalit. Ang Agape ay kadalasang iniu­ug­nay sa pag-ibig ni God sa tao. Isang pag-ibig na wa­lang hanggan na nasa sali­tang, “Sapagka’t ganu’n na lang ang pag-ibig ni God sa mga tao.” Ang salitang Ta­galog na “gayun na lang” ay nag­sasabing hindi masukat, as in, dahil walang sukat o hangganan, ito ang “wa­lang hanggang pag-ibig”.

2. Eros – ito rin ay tulad ng Agape na nasu­sulat sa Sagradong Ak­lat dahil ito mismo ang love na pinagsa­luhan nina Adam and Eve sa Paraiso. Ang Eros ay sa­litang Gri­yego kung saan ginamit sa Greek Bible para sa pag­mamahalan nina Adam and Eve.

Akala ng iba, ang Eros ay sexual love or sex lang ang namama­gitan, as in, sexual desire ang malakas na puwersa sa dala­wang nagmamahalan.

Sa biglang tingin, pa­rang totoo ang ganitong pananaw, pero sa mahigpit na basehan ng salitang “eros”, ito ay hin­di sex lang dahil ito ay “love and sex”. Ibig sabihin, da­lawa ang sangkap ng erotic love at dahil dalawa, hindi pu­wedeng isa o sex lang da­hil love and sex ang tunay na kahulugan nito.

Medyo maselan kung paano ito ipi­naliliwanag dahil maraming tao ang nag-aakalang sexual love ang erotic love.

Para kahit paano ay may makuha tayong kato­toha­nan, unawain natin na kapag sex lang, ito ay pilit dahil sex lang, pero ang tao ay hindi naman nag­tatalik kapag nag­mama­halan nang dahil lang sa sex.

Dahil bago ang sex ay kailangang nagmamaha­­lan muna ang babae at la­laki. Kaya ang erotic love ay hin­di love na ipi­nilit lang dahil sa sexual desire. Sa ga­nitong kato­tohanan, ang love sa pa­gitan ng mag-asawa ay papasok sa depinisyon ng erotic love.

3. Philia – ito ang tina­tawag na friendly love na nagmula sa brotherly love kaya makikitang ito ang love na nasa utos na, “ma­halin mo ang kapwa mo” na naka­kapit sa paniniwa­lang ang lahat ng tao ay magkakapa­tid. Tinawag ito na friendly love upang hindi maiugnay sa erotic at agape love.

4. Philautia – ito ang self-love o pagmamahal na makasarili, kaya ito rin ang pagmamahal sa sarili. Ang ganitong pag-ibig ay ma­hi­rap makita, pero may ilan din na nakatuklas ng ga­nitong klase ng pag-ibig.

Ang kongkretong ha­lim­bawa nito ay ang ba­bae na ayaw ng sex dahil mahal niya ang kanyang sarili.

(Itutuloy)