UAAP '82 Volleyball, Inaabangan ng fans
Umaatikabong mga laban ang inaasahang matutunghayan ng mga panatikong volleyball fans lalo na ng die hard UAAP followers sa darating na pagbubukas ng UAAP Season 82 Volleyball Tournament.
Para sa mismong opening day na magaganap sa susunod na Sabado-Pebrero 15 nakatakdang magtunggali ang nakaraang Season 81 runner-up University of Santo Tomas at Far Eastern University ganap na alas-3:30 ng hapon sa MOA Arena sa Pasay City.
Mauuna rito, maghaharap sa pambungad na laban ganap na alas-10:30 ng umaga ang University of the East at University of the Philippines.
Magpapatuloy ang aksiyon kinabukasan - Pebrero 16 kung saan tampok ang inaabangang tapatan ng defending champion Ateneo de Manila University at ang kanilang archrival De La Salle University ganap na alas-3:30 ng hapon pagkatapos ng bakbakan ng Adamson University at National University ganap na alas-10:30 ng umaga.
Comments