Power ni P-Duterte, hindi umubra sa Nueva Ecija, nCoV victims, sa Tarlac ang bagsak
- Pabs Hernandez III
- Feb 10, 2020
- 2 min read
DUTERTE GOV’T., ATRAS SA MGA TAGA-NUEVA ECIJA PERO PALABAN SA MGA TAGA-TARLAC?—Atras ang Duterte gov’t. na gawing quarantine center ang Mega Rehab sa Fort Bonifacio, Nueva Ecija. Matatandaang, tinutulan ito ng provincial local gov’t. sa pangambang lumaganap ang deadly virus sa kanilang lalawigan.
Gayunman, ang quarantine center ay sa Athletes’ Village sa New Clark City, Capas, Tarlac na lang inilagay. Tinutulan din ito ng Capas LGU pero dahil binalaan sila ng Department of the Interior and Local Government (DILG), tumiklop ang Capas local gov’t. officials.
Siguro, ang iniisip ng mga taga-Tarlac, ang Duterte gov’t. ay andap sa mga taga-Nueva Ecija kasi ang banta ng DILG sa mga opisyal ng Tarlac ay hindi nila nagawa sa mga opisyal ng Nueva Ecija, boom!
◘◘◘
PANELO, GUSTONG MAKIPAGPALIGSAHAN KAY MOCHA SA FAKE NEWS? — Sabi ni Presidential Spokesman Salvador Panelo, inutusan na raw ni P-Duterte si Executive Sec. Salvador Medialdea na sabihan si DFA Sec. Teodoro “Teddy Boy” Locsin, Jr., na ipadala na sa United States (U.S.) gov’t. ang “notice of termination” tungkol sa Visiting Forces Agreement (VFA), pero ayon kay DND Sec. Delfin Lorenzana, “fake news” daw ang sinabi ng presidential spokesman.
Kung “fake news” ang sinabi ni Panelo, parang gusto niyang makipagpaligsahan kay Mocha Uson sa paggawa ng fake news, buwisit!
◘◘◘
BATANGAS PD COL. QUILLATES, DAPAT NANG UMAKSIYON KASI BAKA MA-ONE STRIKE POLICY NI GEN. GAMBOA—Tuloy pa rin daw ang raket nina “Bedo” at “Jeffrey” ng STL-bookies sa Taysan at sakla sa Padre Garcia, Batangas.
Paging Batangas PNP Director Edwin Quillates, paki-”tokhang” na ang mga ilegalistang ito kasi kung “nganga” ka lang, baka ma-”one strike policy” ka ni PNP Chief Gen. Archie Francisco Gamboa, period!
Comments