FDCP chairwoman, after kuwestiyunin ng dating aktres… Liza, super-tamis lang na tawa ang sagot sa pa

Julie Bonifacio / Winner!

Early birds sa ginanap na Ambassador’s Night ng Film Development Council of the Philippines (FDCP) kagabi ang mga veteran actor awardees, kabilang na sina Dante Rivero, Bembol Roco, Soliman Cruz at Robert Seña.

Magkasama namang nagpapiktyur sa red carpet sina FDCP Chair Liza Dino at Presidential Spokesperson Salvador Panelo.

Ang ginanap na Ambassador’s Night ang ika-apat na taon ng pagkilala ng FDCP sa mga natatanging pelikula at individuals na nagbigay-karangalan sa Pilipinas from different international film festivals.

“Itong fourth year, kahit may nCov scare, nandito pa rin tayong lahat,” sabay halakhak ni Chair Liza.

Looking forward daw siya sa kinabukasan ng Philippine cinema.

“Nakakatuwa, kasi we are very, very young and marami rin tayong acting awards this year. Kasi, last year, namayag­pag ang mga actors. Normally ‘yan, puro films ‘yan, directors. But now, even our actors are creating a name for themselves and getting this recognition.”

Marami raw plans ang FDCP this year, kabilang na ang Pista ng Pelikulang Pili­pino, international festivals, policies, working on intellectual properties, etc..

Tinanong namin kay Chair Liza kung inimbita nila si FAP Head Vivian Velez sa Ambassador’s Night.

“Yes, of course, she’s a part of our board. And uh, actually, alam ko, nag-acknowledge siya sa invitation namin.”

Then, we asked her kung wala naman bang “something” sa kanila ni Vivian?

“Uh, it’s…working more. Of course, hindi maiiwasan na may mga questions siya. It’s just a matter of… she’s very new. It’s just a matter of explaining to her kung ano ba ‘yung mga patakaran na kailangan nating sundin.”

Nasagot naman daw nang maayos ang mga tanong sa kanila ni dating Miss Body Beautiful.

“Saka marami kami sa board. I’m the chair pero ma­raming board members ang FDCP. We’re all working together para mas maging klaro ‘yung pag-ano namin, pag-approve namin ng mga initiative.”

Nagkita na raw ulit sila ni Vivian, pero walang mai-comment sa amin si Chair Liza when asked kung kumusta ang huling pag­kikita nila ng dating aktres. At pagkatapos, tuma­wa na lang nang pagkatamis-tamis sa amin si Chair Liza.

Anyway, 16 ang mga artis­tang binigyan ng awards ng FDCP sa kanilang Ambas­sador’s Night. Kabilang sa mga awardees sina Ai Ai delas Alas, Ogie Alcasid, Dante Rivero, Angeli Bayani, Ina Raymundo at Maja Salavador.

Dalawa sa mga nasa listahan ang yumao na — sina Eddie Garcia at Tony Mabesa, habang indisposed naman ang isa pang awardee, ang ultimate Movie Queen na si Gloria Romero.