Mga pasyenteng suspek sa nCoV nasa AFP Hospital

May mga pasyente na nakitaan ng sintomas ng 2019 novel coronavirus acute respiratory disease (2019 nCoV ARD) ang mino-monitor sa Armed Forces of the Philippines (AFP) Medical Center sa Quezon City.

Kinumpirma ito ni AFP Public Affairs Office Health Service Command Spokesperson Captain Sherwin Joseph Sarmiento bagamat, tumanggi na ihayag ang eksaktong bilang ng mga itinuturing na patient under investigation (PUI).

“Sa kasalukuyan po meron tayong PUI din, ito’y naka-isolate sa infectious ward ng Victoriano Luna Medical Center,” ani Sarmiento.

Tiniyak naman na may pasilidad ang ospital para sa mga hinihinalang tinamaan ng bagong coronavirus.

Tumanggi rin si Sarmiento na ihayag kung mga sundalo o military dependent ang binabantayan ngayon kung makukumpirmang mayroong nCoV.