‘Alden’, tiklo sa shabu

Arestado ang isang mister matapos mahulihan ng hinihinalang shabu na nagkakahalagang P102,000 sa buy-bust operation sa Las Piñas City, kahapon.

Kinilala ni Las Piñas City Police Chief P/Colonel Segundo Lagundi, Jr. ang suspek na si Alden Recto, 40, electrician, ng Bgy. Talon 4.

Base sa ulat ni PSMS. Gilbert Curaza, nagkasa ng buy-bust operation ang mga operatiba ng Station Drug Enforcement Unit sa pangunguna ni Lt. Roberto

Pareño, Jr. laban sa suspek sa bahay nito, ala-1:00 ng madaling-araw.

Hindi na nagawang pumalag ng suspek nang posasan siya ng mga pulis nang bentahan umano nito ng droga ang poseur-buyer sa lugar na sanhi ng kanyang agarang pagkakadakip.

Nasamsam kay Recto ang apat na pakete na naglalaman umano ng shabu at P200 buy-bust money.