Traffic nawala dahil sa nCoV, negosyo at turismo, lugi naman
- Ka Ambo
- Feb 8, 2020
- 1 min read
HINDI nagpapakita sa publiko si Chinese Pres. Xi Jinping. Baka nakudeta na?
****
MAY mga nagtatanong kung biological warfare ba ang Ikatlong Digmaang Pandaigdig? Kawawa naman ang mga sibilyan!
****
SA Capas, Tarlac itatago ang mga Pinoy mula sa Wuhan, China. Pero pumalag ang mamamayan at sangguniang bayan. Naloko na!
****
HINATULAN ng Sandiganbayan sa kasong graft ang dating ehekutibo ng MRT. Beh, buti nga!
****
AYON sa Pinoy exchange student, naipit sila sa Fujian, China. Gumagrabe na ang sitwasyon sa naturang lalawigan kahit malayo sila sa Wuhan!
****
WALA nang trapik sa Metro Manila. Marami na ang natatakot at ayaw gumala!
****
RAMDAM na ang pagtumal ng negosyo, lalo na sa mga palengke at mall. Umiiwas ang mga konsiyumer na lumabas ng bahay!
****
MARAMI na ring negosyo ang nagpaplanong magsarado. Matumal ang bentahan ng mga produkto!
****
BANGKAROTE ang turismo at maging ang merkado. Higit na itong mararamdaman sa pagsapit ng Mayo, Hunyo, Hulyo at Agosto. Mag-ipon tayo, mga kapatid!
****
MAY human-to-human transmission ng nCoV sa Singapore. ‘Yan ang delikado!
****
PINAIIWASAN na ang pagdalo sa mga okasyon. Huh, sino ang kakain ng handa sa birthday mo?
****
BAKIT hindi inililibre ang face mask, gamot, vitamins, guwantes at alcohol ng mga senior citizens? Kapag tinamaan ng nCoV ang senior citizen, maaaring 50-50 para mabuhay ang tsansa ng mga ito!
Comments