Kontra nCoV.. Manonood ng concert sa MOA, checkup muna

Sa kabila ng kumakalat na 2019 novel coronavirus acute respiratory disease, tuloy ang nakatakdang con­cert sa siyudad ngayong Pebrero, ito ang inihayag kaha­pon ni Pasay City Ma­yor Imelda ‘Emi’ Calixto-Rubiano.

Isang memorandum ang inisyu ni Rubiano para sa imple­mentasyon ng security measures sa mga event upang maiwasan ang pagkalat ng virus at matiyak na ligtas ang mga concertgoers.

Inatasan ang mga orga­nizers at promoters ng Seven­teen K-Pop boy band con­cert na gaganapin sa SM MOA Arena sa Pebrero 8, na siguruhin ang kaligtasan ng kanilang patrons/au­diences, performers at lahat ng sangkot sa kaganapan, buhat sa nasabing virus at iba pang usapin sa pangka­lusugan.

Inaasahang 8,000 hang­gang 9,000 concertgoers ang manonood sa nasabing kon­siyerto.

Kabilang sa mga inire­komendang hakbang o mea­sures ang paggamit ng fore­head infrared thermometers at probisyon ng hand sani­tizers sa mga instratihikong lugar sa event venues ga­yundin ang maintenance ng kalinisan sa kanilang bisi­ni­dad at wastong pagtatapon ng basura.

Pinayuhan din ang mga manonood na agahan ang pag­­punta sa venue dahil sa­sailalim muna sila sa in­terview kaugnay ng kanilang ‘travel history’.