Mga pasaherong nakatabi ng Chinese na may nCoV, hirap mahanap.. Mga Airlines, sinisi ni DOH Sec. Du

Sinisi ni Department of Health Secretary Francisco Duque III sa mga airline companies kaya nahihirapan umano sa paghanap ng mga pasahero na nakatabi ng Chinese na kumpirmadong may nCoV.

Sa pagdinig ng Senate Committee on Health, ka­hapon, sinabi ni Duque na di­nadahilan umano ng mga airlines ang confidentiality sa pagbibigay ng impormasyon tungkol sa kanilang mga pa­sahero.

Aniya, ini-invoke umano ng mga airlines ang Data Privacy Act sa mga contact details ng pasahero kaya nahi­hirapan sa pag-track dahil salat sa impormasyon tung­kol sa address at pangalan ng mga pasahero.

Pinabulaanan naman ito ng mga opisyal ng Civil Aeronautics Board, sinabi na sa mga importanteng sit­was­yon tulad ng nCoV out­break ay agad silang nagbi­bigay ng impormasyon na ki­nakaila­ngan.

Sa statement naman ng Philippine Airlines, kinontra rin nila ang sinabi ni Duque na nagdaramot sila ng im­pormasyon tungkol sa mga naging pasahero.