Mga dating tauhan sa City Hall, dawit din… Ex-Mayor bistek, idinemanda ng P263-m plunder

Ador Saluta / Adore Me!

Photo: pia.gov.ph

Nahaharap ngayon sa reklamong plunder ang dating alkalde ng Que­zon City na si Herbert Bautista sa Office of the Ombudsman.

Ayon sa eksklusibong ulat ng The Manila Times nu’ng February 3, bukod kay ex-Mayor Bistek, kasama ring si­nam­pahan ng reklamo sina dating City Administrator Aldrin Cuña, Reynald Paul Imjada, Green Energy Container Solutions Inc. (GECSI) President at Chief Executive Officer Nolasco Fer­nan­dez at GECSI Representative Christopher Gerard Ledesma.

Nag-ugat ang reklamong plunder sa ilegal na pagpapalabas diu­mano ng pondong nagkakahalaga ng P263-M mahigit.

Nakasaad sa reklamo: “Considering the amount illegally disbursed, equaling P263,996,121.16, the respondents are… guilty of plunder as defined under Section 2 of Republic Act (RA) 7080 (Plunder Law).”

Ang nagsampa ng reklamo ay ang in­ternal auditor ng Internal Audit Service ng QC government na si Noel Em­­man­uel Gascon bi­lang kinatawan ng Pamahalaang Lungsod ng Que­zon. Siya ang nag-audit ng QC Smart City Data Infrastructure project na layuning mag­ka­roon ng city­wide broadband network upang mabig­yan ng libreng in­ter­net ang mga resi­den­te ng lungsod.

Ayon sa rekla­mo, noong July 15, 2017 ay naglabas ng purchase request ang siyudad na P318-M pondo para sa pro­yek­to na pinir­ma­han nina Cuña at Bautista.

Nakalagay pa sa reklamo na ang nag­-iisang bidder sa proyekto ay ang GECSI, na may total bid na P317,257, 644 para sa proyekto.

Iminungkahi raw ng Bids and Awards Committee for Goods na igawad sa GEC­SI ang proyekto noong June 11, 2018. Isang obligation request raw ang inilabas noong June 14, 2018 kung saan ang requesting party ay si Imjada. Ang Notice of Award na pirmado ng dating alkalde ay inilabas daw noong June 19, 2018.

Noong June 29, 2018, pumirma na­man daw ang dating mayor para sa Supply and Delivery Agreement sa nasa­bing kumpanya kaugnay ng proyekto.

Sabi ng nagrereklamong si Gascon, inilabas ni Bautista ang 90 percent ng pondo para sa proyekto kahit wala na­mang nai-deliver na project ang GECSI.

Dahil lagpas sa P50-M ang proyekto, pasok sa plunder case ang diumano’y katiwaliang ito.

Habang isinusulat namin ito ay wala pang inilalabas na official statement si ex-Mayor Bistek bilang sagot sa aku­sas­yon laban sa kanya