Singer, naiinip na, naglabas din ng singsing… KZ, tinapatan ang proposal ng BF

Melba Llanera / Insider

Photo: @tjmusicmonterde

Sa presscon at laun­ching ng mga ambassadors ng National Commission for Culture and Arts, ipina­ki­lala si 2018 Ms. Uni­verse Catri­ona Gray bilang Arts ambassador at sina Julie Anne San Jose at KZ Tan­dingan bilang Music ambassadors naman.

Ito na ang pangalawang pagkaka­ta­on na kinuha ng NCCA bilang Music ambassador si KZ at kahit na wala pala silang suweldo rito ay masaya at lubos siyang nag­papasalamat na sa dinami-rami ng mga artista at singers ay siya pa ang napili para i-promote ang kultura at sining ng ating lahi.

Sa personal na bu­hay, na-engaged si KZ sa fiancé na si TJ Mon­terde nu’ng December 30, 2019. Masa­yang ibi­na­ha­gi ni KZ na na­ganap ito sa 30th birthday ni TJ sa harap ng ka­­­nilang pamilya at malala­pit na kai­bigan.

Nakakatawang ku­wento pa ni KZ, nu’ng lu­muhod sa harap niya ang fian­cé ay lumuhod din si­ya, sabay labas din ng sing­sing dahil kundi pa­la nag-propose ito sa kan­ya, siya na ang gagawa.

Samantala, isa sa pinakamalapit ni­yang kaibigan si Yeng Constantino at sa kasong isinampa laban dito ng isang doktor sa Siargao dahil sa aksidenteng kinasangkutan ng asawang si Yan Asun­cion ay nakiusap si KZ na sana ay tigilan na ito dahil inaayos na nito ang naging prob­lema at ang mahalaga ay may natu­tunan ang bawat isa sa nangyari.