Pacio, nakadepensa sa ONE: Kingad, nanggulat sa 3 rounds

Muntik nang ikinatalo ni Joshua “The Passion” Pacio ang lupet sa methodical grappling ni dating ONE World Champion Alex “Little Rock” Silva ng Brazil, mabuti na lang sa isang hibla ng 4 rounds ay nakuha niya ang split decision win sa pinakamalaking global sports media property sa Asian history ONE Championship™ (ONE) na idinaos sa MOA Arena noong gabi ng Biyernes sa idinaos na ONE: Fire & Fury.

Halos mamayani si Silva sa takedown at ilang beses pabagsakin si Pacio, pero nakapagdedepensa sa dakong huli ang Pinoy at nakakabangon. Sa huli nagawa ng Pinoy na hilamusan ng upak si Silva at makuha ang laki ng resulta sa scorecards.

Sa co-main event, ginulat naman ni Pieter “The Archangel” Buist ang partisan Pinoy crowd nang talunin niya si 2-time ONE Lightweight World Champion Eduard “Landslide” Folayang matapos ang 3 rounds ng dikdikang laban. Ang distansiya ni Buist ang naging problema kay Folayang, at naging mabangis ang banat ni Buist sa dakong huli. Kumunekta si ”The Archangel” ng malakas na head kick sa final round, na ikinasuray ni Folayang. Nakuha ni Buist ang split decision win.

Sa iba pang laban, nagwagi si dating ONE World Title challenger Danny “The King” Kingad ng Pilipinas laban kay Chinese “The Hunter” Xie Wei makaraan ang 3 rounds. Dikitan ang bakbakan, bagamat bumagal sila pero balik ang bangis pagdating sa gitna. Si Kingad ang nakahigit sa poise at kontrol. Sa huli, nakuha ni Kingad ang score ng judges para sa unanimous decision verdict.

Sa ONE Super Series Muay Thai bout, ginapi ni dating ONE Flyweight Kickboxing World Champion Petchdam “The Baby Shark” Pethyindee Academy si WBC Muay Thai International Champion Momotaro ng Japan para sa majority decision win sa 3 rounds.

Isang submission victory naman ang nakuha ni dating Shooto Bantamweight World Champion Shoko Sato ng Japan kontra top Korean mixed martial arts prospect “Pretty Boy” Kwon Won II.

Dinomina ni Japan’s Tatsumitsu ‘The Sweeper” Wada si Ivanildo Delfino ng Brazil. Sa ONE Super Series Muay Thai bout, atomweights pinasaya nina Alma Juniku ng Australia at Anne Line Hogstand ng Norway ang fans dahil sa striking talents ng dalawang babaeng mandirigma. Si Hogstad ang nagwagi sa majority decision. Nagwagi rin si Team Lakay’s Lito Adiwang kontra kay Pongsiri Mitsatit ng Thailand. Nanalo rin sa pagbabalik ang Pinay na si Gina Iniong kontra Asha Roka ng India sa unanimous decision.