Kahit not once but twice pa ikinasal… Mikael at Megan, ayaw isuot ang wedding ring

Mercy Lejarde / Showbiz Talkies

Sa grand mediacon ng GMA’s newest primetime seryeng Love of My Life ay talagang tiningnan ni yours truly ang mga daliri ni Mikael Daez kung totoo ang si­nabi niyang hindi nila isinusuot ni Me­gan Young ang kanilang wedding ring kahit dalawang beses pa silang ikinasal. And yes, Sir, trulalu nga!

“Kasi natatakot kami ni Megan na baka mawala, eh. Kasi nu’ng may kinuha sa bag si Megan, nawala ‘yung singsing niya sa daliri at ako naman, nasasaktan kapag nagda-drive. So, minabuti naming itago na lang muna ‘yung aming wedding ring para hindi mawala.

“‘Yung singsing na nakita ninyo in my Instagram post, the blue one, I actually gave that January 1, 2020,” esplika ng Mikael.

Bakit blue? Dahil ba ang color of the year ngayon ay blue at saka ikinasal sila sa Subic, January 25, 2020 na ti­yempong Kung Hei Fat Choi or Chinese New Year? May lahi ba silang Chinese?

Wala naman daw silang la­hing Chinese. Basta ‘yun lang daw ang naisip nilang color ng kanilang wedding ring.

“Nu’ng January 25, 2020 was the day we celebrated our marriage with friends and family in a place that holds a lot of significance for us. It was so much fun, admittedly, we did things in our own way. And I think, my engagement ring to Bonez (referring to Megan) is a good example of our non-traditional choices. She said she wanted a rock with the color of an iceberg so there you go… Buti na lang hindi rainbow ang hiningi niya kundi mahihirapan ako, hahaha!” masayang dagdag pa ni Mikael na very cool at palabirong kausap at talagang may sense of humor na siguro, isa ‘yun sa mga katangiang nagustuhan sa kanya ni Megan.

O, siya, best wishes sa inyong dalawa, Mikael at Megan Young-Daez. And please love one another and not love another one…Yes Sir, ‘yun na! Insert smiley, J!

Co-stars ni Mikael Daez sa Love of My Life GMA TV series sina Carla Abellana, Rhian Ramos, Tom Rodriguez, Coney Reyes, Anna Marin, atbp. sa direksiyon ni Don Michael Perez.