Tinapatan ng LizQuen sa Dos… Serye ni Alden sa siyete, babu na!

Rohn Romulo / Run Wild!

This week, magtatapos na ang One of the Baes na ina­bot din nang four months, kaya masa­sabing mata­gumpay ang tambalang Ken Chan at Rita Daniela kung saan nakasama pa nila si Roderick Paulate na talaga namang kinagiliwan din ng mga netizens sa naturang serye.

Next week naman magtatapos ang teleserye ni Alden Richards na The Gift na umabot nang 21 weeks, at ngayon ay nakikipag-compete sa Make it With You nina Liza Soberano at Enrique Gil na pasabog agad ang pilot week, kaya na-hook ang mga viewers.

Anyway, dalawang bagong serye ng GMA Network ang naka-line-up nang ipalabas. Una, ang Love of My Life nina Carla Abellana, Tom Rod­riguez, Rhian Ramos, Mikael Daez at Ms. Coney Reyes na mala­mang pumalit sa slot ng One of The Baes. Pangalawa, ang Philippine version ng Descendants of the Sun nina Dingdong Dantes, Rocco Nacino, Jasmine Curtis-Smith at Jenny­lyn Mercado na ipapalit sa The Gift. ‘Yun ay kung hindi nila babaguhin ang line-up. Pero pupuwede rin naman itong itapat sa A Soldier’s Heart nina Gerald Anderson, since halos magka­pareho ang kanilang tema.

This time, mukhang hindi na nga mangyayari ang tapa­tang Dingdong at Coco sa primetime na ilang ulit nang nangyari. Pero kahit ganu’n, sa pagpasok ng Pebrero, maku­kumpleto ang bagong bang­gaan ng mga teleserye ng mag­katapat na istasyon na tiyak na aabangan ng mga netizens kung ano ang magi­ging re­sulta.