Mga residente sa 12 bayan at lungsod sa Batangas, puwede nang umuwi

Ipinauubaya na sa mga opisyal ng mga lokal na pamahalaan sa Batangas kung mapapayagan nitong bumalik na sa kani-kanilang bahay ang mga residenteng inilikas kasunod ng pagpu­tok ng Bulkang Taal.

Inihayag ni Batangas Governor Hermi­lando Man­danas na maliban sa mga bayan ng Agoncillo at Laurel, wala nang ipinatu­tupad na lockdown sa mga bayan ng Alitag­tag, Balete, Cuenca, Lemery, Malvar, Ma­taas na Kahoy, San Nicolas, Santa Teresita, Taal, Talisay at mga lungsod ng Tanauan at Lipa. Permanenteng lockdown naman ang umiiral sa Taal Volcano Island.