Face Mask, hindi sapat na panlaban sa coronavirus

Ka Ambo / Bistado

Ibinaba na ang babala sa Bulkang Taal tungo sa Alert Level 3.

Salamat sa pangungulit ng mga residente!

◘◘◘

MISMONG si Chinese Pres. Xi Jinping ay nababahala sa pag-mutate ng novel coronavirus.

Ibig sabihin, maghuhunos ito tungo sa mas mapanganib na anyo ng virus sa hinaharap!

◘◘◘

UMUWI na ang may 156 Chinese na tubong-Wuhan, China mula sa Aklan.

Pinandirihan sila na parang may mapanganib na “rabies”!

◘◘◘

MAY plano ba ang Malacañang na mailikas ang mga Pinoy na nananatili sa teritoryo ng Wuhan?

Waley!

◘◘◘

NAKATUKLAS na ng gamot ang mga taga-Shanghai kontra sa nCoV.

Pwes, lumipat na tayo sa Shanghai!

◘◘◘

NATUKLASANG nakakapasok ang NcoV sa mga mata at hindi lang sa bibig.

Ibig sabihin, balewala ang N95 mask, dapat naka-protective eyeglass pa rin!

◘◘◘

MASUWERTE ang Pilipinas dahil isa itong archipelago — binubuo ng maraming isla.

Bago tayo malipol, mauubos muna ang populasyon ng China, America, Europe at Africa!

◘◘◘

KAPAG naging grabe ang epidemya — ipagbabawal ang biyahe gamit ang eroplano at barko — ligtas ang Pilipinas.

Sa ibang bansa, kahit bawal ang biyahe sa ere at tubig — tatangayin ang virus sa hangin at hindi mapipigil ang paglilipat-lipat ng tao — gamit ang lupa!

◘◘◘

MASASALA ng dagat Pasipiko at China Sea ang virus.

Masasala rin ito ng Sulu Sea at Celebes Sea kung magmumula naman sa Malaysia at Indonesia ang virus!