900 tinamaan.. 26 patay sa coronavirus

Aabot na sa 26 ang iniulat na namatay dahil sa coronavirus habang hindi bababa sa 900 ang naapektuhan nito.

Samantala, kabuuang 464 na mga turista mula sa Wuhan City ang paunti-unting pinabalik ng China sa gitna ng pangamba sa novel coronavirus.

Ayon kay Eric Apolonio, tagapagsalita ng Civil Aviation Authority of the Philippines (CAAP), desisyon ng mga airline company na pauwiin sa Wuhan City ang mga Chinese na turista.

Mula noong Enero 23, may 172 pasahero ang pinabalik ng Wuhan City. Nasa 142 pasahero naman ang pinabalik kahapon.

Sa Enero 27, mayroon pang 150 indibidwal ang pababalikin sa China. Kasama na sa nasabing bilang ang 135 pasahero na nakaalis ng Wuhan City bago ang ipinatupad na lockdown doon.

Matatandaang, ang isang palengke sa Wuhan City ang sinasabing ground zero o pinagmulan ng novel coronavirus.