Hiyang-hiya, bad trip, fans sinisi… James, nagsalita na sa kumalat na si Issa ang ipinalit kay Nadin

Julie Bonifacio / Winner!

Photo: @james (left) / @pressmanissa (right)

Nag-react at nag-comment si James Reid sa ipinost ni Yassi Pressman sa kanyang Instagram account na picture nila ni Nadine Lustre na magkasamang nagsasaya.

Sa kanyang post, pinalagan ni Yassi ang pagli-link ng mga netizens sa younger sister niyang si Issa Pressman kay James sa social media.

Depensa ni Yassi sa kanyang celebrity sister, “Hindi po papatol ang kapatid ko sa mga sinasabi ninyo. Pero bilang ate, hindi ko naman po yata kayang panoorin na patuloy po siyang binabato ng mga masasakit na salita dahil nananahimik siya.

“This was me and Nadz last night, watching how some of us become cruel over untrue statements. Initially, we all laughed about how crazy the things that woke us up yesterday were, and then... they started getting out of hand, at ‘di na ‘yun tama.”

Mariin din niyang inilabas ang saloobin tungkol sa cyber-bullying. Ani Yassi, ayaw na sana nilang patulan ang issue pero wala raw katotohanan ang inaakusa ng mga netizens kay Issa kaya mabuting linawin na niya.

May nakapagsabi sa amin na malabong si Issa ang ipinalit ni James kay Nadine dahil may girlfriend si Issa, ang singer na si Marga Bermudez. Bisexual si Issa at knows naman ng pamilya niya ang kanyang sexual preference.

Going back to James, marami ang humanga sa paghingi ng sori ng ex-boyfriend ni Nadine sa comments section ng IG post ni Yassi. “Sorry, you girls got dragged into this. There are some messed up people out there,” mensahe ni James.

JaDine fans kaya ang tinutukoy ni James na “messed up” people since ilan sa mga ito ang naglabas ng photos ng diumano’y halikan nila ni Issa nu’ng nakatalikod si Nadine?