Ginang, patay sa cobra

Isang ginang ang nasawi na pinaniniwalaang inatake ng cobra sa Danglas, Abra.

Ayon sa mga awtoridad, nasa sakahan si Drucila Layugan upang tingnan ang mga alagang kambing nang atakehin ng cobra.

Sa inisyal na imbestigasyon, nagtamo si Layugan ng limang marka ng tuklaw sa braso at balikat.

Natagpuan din ang patay na cobra hindi kalayuan kung saan nakahandusay na wala nang buhay si Layugan.

Pinaniniwalaang napatay ng biktima ang cobra bago pa siya mamatay.