Opisina ng media sa Maynila, ibinalik na

Ibinalik ni Manila Mayor Isko Moreno ang tanggapan ng Manila City Hall Reporters’ Association (MACHRA) na ipinasara sa loob ng anim na taon ng nakalipas na administrasyon.

Pinangunahan ni Moreno ang inaguration at blessing ng MACHRA office kasama si Fr. Joel Rescober at secretary to the mayor Bernie Ang, ang tumayong advisor ng grupo mula nang itatag ito noong 1988.

Ikinatuwa naman ito ng mga opisyal at miyembro na kinabibilangan nina Itchie G. Cabayan (People’s Tonight), President; Andi Garcia (Police Files Tonite) Vice-Pres.; Ludy Bermudo (Pilipino Star Ngayon/PM), Secretary; Juliet de Loza-Cudia (Abante/Abante Tonite), Treasurer; Mylene Alfonso (BULGAR), Auditor; Verlin Ruiz (Pilipino Mirror), Chairman of the Board; at mga director na sina Jerry Tan (People’s Journal), Pat Santos (Tribune), Jhun Anzures (DWAD), Mary Ann Santiago (Balita), Rene Crisostomo (Remate) at regular members na sina Brian Billasano at Bong Son, ng Hataw.

Bukod kina Moreno at Ang, pinasalamatan din ng grupo sina Vice Mayor Honey Lacuna, special mayor’s reaction team (SMART) Chief P/Major Rosalino Ibay, City Engineer Armand Andres at Department of Public Service Chief Kenneth Amurao sa pagtulong na maibalik ang opisina ng media, na ginawang stock room noong 2013 noong panahon ni dating Mayor Joseph Estrada.