Mag-ex, pinagsama para bumenta… Nakaraan nina John Lloyd at Shaina, gamit na gamit sa movie

Erlinda Rapadas / Teka Nga

Ikinatutuwa ng mga fans ni Bea Alonzo ang pagbabalik-showbiz ni John Lloyd Cruz na halos tatlong taon ding namahinga sa pag­gawa ng pelikula at paglabas sa telebisyon.

Umaasa ang mga fans ng tandem nina Bea at John Lloyd na nagpakilig sa ka­nila na magkakasamang muli ang kanilang mga ido­lo sa isang project.

Dati nang may “kilig factor” at chemistry sina Bea at Lloydie. Ang siste, mas nauna ang project na pag­sa­samahan ni JLC at ng ex-GF niyang si Shaina Mag­dayao na ididirek ni Lav Diaz. Ito ang Ser­van­do Mag­damag na isang ser­yoso at kakaibang peli­kula.

Gaganap si Lloydie na faith healer sa movie at isa sa mga gagamutin niya si Sha­ina.

Madali raw ibenta at i-promote ang tandem na John Lloyd-Shaina dahil may nakaraan silang relas­yon at dahil pareho namang single ngayon, aabangan ng marami kung may balikang magaga­nap sa dalawa.