Kahit mag-BFF pa… Sarah, tumangging mag-guest sa V-DAY concert ni Rachelle

Julie Bonifacio / Winner!

Laking panghihinayang ng tinaguriang Interna­tional Theater Diva na si Rachelle Ann Go na hin­­di makakapag-guest sa Valentine concert niya ang long-time friend niyang si Popstar Princess Sarah Geronimo. But as we all know, may concert din si Sarah on that day.

Sinubukan kasi ni Rachelle na imbi­ta­han si Sarah na mag-guest for her concert titled Rachelle Ann Go: The Homecoming na gaganapin sa Marriott Grand Ballroom, Resort’s World Manila on February 14.

“Oo nga,” malungkot na ngiti ni Rachelle. “Actually, I messaged her. Sabi ko, ‘I’m ha­ving a concert. Can you guest? Guest ka naman. Mag-ano ta­yo.’ Actually, ang gusto ko YRS, tat­lo kami nina Yeng (Cons­tan­tino), Sarah and ako. Tapos, ‘yun nga raw, Feb. 14. Sabi ko, ‘Huuuh?’ Eh, naayos na lahat, ayun.”

Pero ‘di nawawalan ng pag-asa si Rachelle na someday ay mag­­kakasama-sama rin silang muli nina Yeng at Sarah sa isang concert.

And speaking of Sarah again, updated si Rachelle sa mga kaganapan sa buhay ng ka­ibigan niya lalo na sa love life nito kahit na nasa London siya. Kaya tuwang-tuwa si Ra­chelle when she found out na engaged na si Sarah sa fiancé nitong si Matteo Guidicelli.

“Super! Super-saya ko! I’m happy for them, you know. Alam naman nila I’m always here for them. At saka kahit nandoon po ako (sa London), updated po ako.”

Siyempre, sure na sure siya na a-attend sa wedding ni Sarah kay Matteo.

“Uhm, ‘yun nga, kapag invited po ako. Hahaha! Tanungin natin siya.”

Kahit wala si Sarah sa concert niya on Valentine’s Day sa Marriott Hotel, super excited pa rin siya dahil ang kapwa niya Miss Saigon and Les Miserables artist na si Lea Salonga ang isa sa mga special guests niya sa concert.

“She’s very professional. Ang sarap makatrabaho ang isang ta­ong professional at merong disiplina. At, uh, may passion, ‘di ba? Inspirasyon ko talaga si Miss Lea pagdating sa work ethics, talagang magaling. At ang da­ming advice na naibibigay sa akin. Ang sarap pakinggan, ‘di ba? When you’re watching, when I first saw her sa concert, nu’ng nag-guest po ako, naka-ganyan (nganga) sa kanya. Ano’ng tawag doon? Tulala ako. Kasi talaga, ang sarap pakinggan magsalita at kumanta. So, I’m so excited,” masayang sabi ni Rachelle.

Si Rachelle rin ang pang-bue­na manong handog ng Cornerstone Concerts under Cornerstone Entertainment Inc. for 2020.

Bukod kay Lea, special guests din sa Rachelle Ann Go: The Homecoming concert sina Idol Philippines Zephanie Dimaranan at Erik Santos sa direksiyon ni Paul Basinillo at ang musical director naman ay si Marc Lopez.

Darating siyempre ang South African hubby ni Rachelle na si Martin Spiel to watch her concert at para i-celebrate na rin nila nang magkasama ang Valentine’s Day.

“Of course, he has to be here. After the concert, we’re going somewhere, oo. Pahinga kami, bakasyon for few days. And then, I need to be back in London like… mid-Feb., Feb. 21, I think. Uh, ‘coz I’m rehearsing for Les-Mis kasi mag-o-open kami, March 2. Dire-diretso na ‘yan.”

Tinanong namin si Rachelle kung kailan naman siya magkaka-baby.

“Excited na nga akong makita. Ano kaya’ng combination?”

Meron naman daw silang plano ni Martin.

“Kaya lang for now, we want to travel. Kasi nga be­fore the wedding, nag-i-start pa lang kami, eh. Kumbaga, we’re building up foundation. Gusto namin ‘yung strong talaga. We want to travel and see the world.”

Wala naman daw silang preference ni Martin kung ano’ng gender ng first-born nila.

“Uh, kung ano talaga ang ibibigay ni Lord, ‘no. Pero ako, before talaga, gusto ko, boy. Kasi, wala akong kuya. But I mean, kung ano ang ibibigay ni Lord, ‘di ba?”

Pero malabo raw this year na magka-baby sila ni Martin.

“Uh, well, this year, medyo nakaplano na tayo. Uh, fully booked? Hahaha! Uh, I’m doing Les Mis (Miserables) in London. So, let’s see after that.”