GF, proud na ivinideo pa… Derek, masuka-suka sa ipinakain ni Andrea

Nitz Miralles / Bida

Photo: @andreaetorres

Hindi pala kumakain ng isaw si Derek Ram­say, base ito sa napa­no­od naming IG Story ni Andrea Torres na tina­wag niyang “Derek vs. isaw”. Mapapanood na ku­­makain o pinakain ni Andrea ng isaw ang boyfriend.

Sa simula ng IG sto­­ry, makikitang kina­gat ni Derek ang isaw, nginuya at nilu­nok. Ka­ya lang, pag­ka­tapos ng ilang segundo, nag-iba ang facial expression at parang maduduwal sa kan­yang kinain. Putol ang video, hindi napa­nood kung tu­lu­yang nilunok ni Derek ang kinaing isaw o isinuka.

Sa IG story naman ni Derek, may vi­deo siya sa pagputok ng Taal Volcano na kuha ng isang piloto. May bahay sa Ta­gay­tay sina Derek at kundi kami nag­ka­kamali, doon nakatira ang parents niya at mukhang safe naman ang mga ito.

Also, ibinalita ni Derek na action ang concept ng bagong teleserye nila ni Andrea na Sanggang Dikit. Wala pang ibang detalye sa project na sa second quarter pa ng 2020 uumpisahan dahil nakalatag na ang mga bagong teleserye ng network.

Nabanggit din ni Derek na may two movies siyang gagawin this year at wish ng mga AnDrek, kahit sa isang pelikula ay si Andrea ang kuning leading lady ng hunk actor.