Rollback sa gas
Gina Pleñago
Jan 12, 2020
1 min read
Magpapatupad ng bawas-presyo ang mga kumpanya ng langis sa susunod na linggo.
Sa abiso ng Pilipinas Shell, epektibo alas-6:00 ng umaga ng Enero 14, magbabawas ito ng 30 sentimos sa presyo ng kada litro ng kerosene at 20 sentimos naman sa diesel habang walang paggalaw sa presyo ng gasolina.
Asahan na ang pagsunod ng iba pang kumpanya ng langis tulad ng Petron Corporation, Total Philippines, Flying V, PTT Philippines, SeaOil at Phoenix Petroleum sa kahalintulad na bawas-presyo sa petrolyo.
Tuwing Martes, madalas na ipinatutupad ng oil companies ang kanilang price adjustment.
Ang nagbabadyang oil price rollback ay kaugnay sa pagbaba ng presyuhan ng langis sa pandaigdigang pamilihan.
Comments