Preso, tinepok ng kapwa preso
- Pabs Hernandez III
- Jan 11, 2020
- 1 min read
NUEVA VIZCAYA — Patay ang isang preso nang saksakin ng kapwa niya preso kamakalawa sa loob ng provincial jail sa bayan ng Bayombong.
Kinilala ang biktima na nagtamo ng tig-isang saksak sa ulo at dibdib na si Alvin Buscas, 21-anyos, samantalang, ang suspek ay si Esmeraldo Olarte, kapwa preso sa Nueva Vizcaya Provincial Jail.
Ayon sa ulat, nagkaroon ng pagtatalo sina Buscas at Olarte na humantong para maglabas ng patalim ang suspek at pinagsasaksak ang biktima.
Dinala pa ng mga jailguards si Buscas sa ospital, pero idineklara itong dead-on-arrival.
Iniimbestigahan na ng mga awtoridad kung paano nagkaroon ng patalim ang suspek sa loob ng piitan.
Comments