Lodging house nagliyab.. Lalaki, nasunog nang buhay

Natusta nang buhay ang isang lalaki sa sunog na tumupok sa ilang establisimyento sa Quezon Ave., Bgy. Dadiangas West sa General Santos City, Miyerkules ng umaga.

Hindi pa matukoy ng mga awtoridad ang pagkakakilanlan ng nasawing biktima habang dalawang iba pa ang isinugod sa pagamutan matapos magtamo ng bahagyang mga sugat.

Ayon sa General Santos City Bureau of Fire Protection, nagsimula ang apoy sa lodging house sa lugar kung saan naroon ang nasawing biktima.

Una nang nakita ng ilang nasa lodging house na kumislap ang wire sa isa sa mga kuwarto roon hanggang sa tuluyan na itong kumalat sa buong gusali.

Wala nang halos nakuhang kagamitan ang mga tenant matapos ang sunog. Patuloy nang sinisiyasat ng BFP ang insidente.