Laborer, timbog sa shabu
Pabs Hernandez III
Jan 9, 2020
1 min read
NUEVA ECIJA — Inaresto ng pulisya ang isang laborer nang makumpiskahan ng shabu kamakalawa sa Bgy. Bagong Sikat, Cabanatuan City.
Kinilala ng pulisya ang suspek na si Renier Rayo, 37-anyos, nakatira sa nabanggit na barangay.
Nabatid na nagsagawa ng buy-bust operation ang pulisya sa nasabing lugar at nang pagbentahan ng shabu ni Rayo ang mga operatiba ay agad nila itong dinakip.
Napag-alaman na nakakumpiska ang mga awtoridad ng ilang sachets ng shabu at markadong pera sa pag-iingat ng suspek.
Nakapiit na si Rayo na nahaharap sa kasong paglabag sa Comprehensive Dangerous Drugs Act of 2002.
Comments