Umaming napakahirap daw ng sitwasyon ngayon, James… Nadine, napaiyak sa show nang pag-usapan ang lov

Mercy Lejarde / Showbiz Talkies

Naging emotional naman si Nadine Lustre nito lang nakaraang Sunday night (January 5) bilang isa sa mga judges ng Your Moment of ABS-CBN talent show nang tanungin ni Luis Manzano, isa sa mga hosts ng nasabing show, kung ano ang masasabi niya sa performance ng Juan Gapang na naging winner in Battle of the Bands for the cover of Tropical Depression’s Kapayapaan.

“Sorry, kinikilabutan at nanginginig ako ngayon. No… kasi to be honest, I really get sensitive kapag ang pinag-uusapan na is… Love!

“Nagiging sensitive ako kasi love is a universal language… and love is what the world begging now. And I’m just really happy kasi nage-gets ko kung ano ‘yung…” at this juncture ay napahinto siya sabay sabing, “Sorry” at hindi na napigilang mapaiyak kaya hinagud-hagod ni Billy Crawford ang kanyang likod at maging si Boy Abunda ay hinawakan ang kanyang balikat na tipong nagsasabing, “Chill ka lang, Nadine.”

At matapos pahirin ni Nadine ang teardrops on her cheeks ay muli itong nagpatuloy sa pagsasalita, “No, kasi nage-gets ko, Kuya Kokoi (Kokoi Baldo, frontman of Juan Gapang Band) kung ano ang gusto mong iparamdam at iparating sa buong mundo. Ahhhmmm, thru… thru singing!”

May nabanggit din si Nadine na… “Naiiyak lang talaga ako kasi napakahirap… sobrang hirap po ng sitwasyon namin ngayon.”

Ewan lang kung may konek ang mga sinabi ni Nadine sa mga balitang naglilitawan tungkol sa hiwalayan daw nila ng syota (na ayon sa ilang pipol in the know ay live-in partner niya for 2 years now) niyang si James Reid na sabi ay fake news.

Well, that Sunday episode ng Your Moment talent show ng Kapamilya Network ay tipong masasabing hindi lang “moment” ng Juan Gapang Band kundi maging ni Nadine, na sa pagiging emotional ay tipong masasabing meron siyang matinding pinagdaraanan, if we are not mistaken.

‘Niwey, congratulations, Juan Gapang Band na nakagetlag ng score na 88.33 and moved on to the next round after beating First Five Band’s score of 79.44 and Bukang Liwayway bid the competition goodbye after receiving a score of 70.