Miss U, co-host na sa It's Showtime… Sey ng ilang netizens: Catriona, naging cheap dahil kina Vi

Beth Gelena / Bulgary Files

Photo: Its Showtime

Ang hula ng mga netizens sa pagpasok ni Catriona Gray sa It’s Showtime bilang isa sa mga hosts na nagsimula kahapon, baka raw sub lang siya sa naka-maternity leave na si Anne Curtis.

Sey naman ng ibang netizens, bu­ma­ba ang admiration level nila sa Miss Universe 2018. Kinuwestiyon nila kung agree si Catriona sa physical hosting nina Vice Ganda, Jhong Hilario at Vhong Navarro at mukhang ka-cheap-an daw ang kan­yang babagsakan kung saka-sakali.

May nagsasabing peg pa rin nila si Miss Universe 2015 Pia Wurtzbach dahil namimili raw ito ng progra­mang sina­sa­lihan.

Sambit ng isang netizen, “Nag-host din si Pia sa It’s Showtime. Meaning, cheap din siya. Pa-classy-classy ek-ek pa, huh!”

Meron namang nagsasabing baka sa pagpasok ni Catriona sa It’s Showtime ay maiba na ang takbo ng programa.

Sabi naman ng ibang netizens, baka gustong baguhin ng ABS-CBN management ang image ni Catriona at ‘yun ay ang ma-penetrate ang masa market.

Anyway, after pumirma ng kontrata, marami pang pro­yektong gagawin si Cat­riona sa ABS-CBN.