Lalaki, tiklo sa P5.7 milyong shabu

Nasa P5.7 milyong halaga ng ilegal na droga ang nasabat sa isang high-value target sa ikinasang operasyon sa Cebu City, kamakalawa ng gabi.

Kinilala ang suspek na si alyas Jhonrey, 36, sinasabing miyembro ng isang drug syndicate na nag-o-operate sa Central Visayas.

Kaugnay nito, nakuha mula sa suspek ang nasa 850 gramo ng hinihinalang shabu.

Aminado naman ang suspek na nagawa niyang magbenta ng droga dahil sa kahirapan.