P4.1 trilyong 2020 national budget, pipirmahan na
Mylene Alfonso
Jan 5, 2020
1 min read
Nakatakdang lagdaan ni Pangulong Rodrigo Duterte ang P4.1 trilyong National Budget ngayong taong 2020 sa Enero 6.
Ayon kay Presidential Spokesman Salvador Panelo, bukas ng alas-4:00 ng hapon lalagdaan ng pangulo ang nasabing budget.
Una na ring tiniyak ng Malacañang na bubusisiing maigi ni Pangulong Duterte ang lalamanin ng budget at hindi nito papayagan ang anumang probisyon na labag sa Konstitusyon.
Matatandaang, bagama’t, naging mabilis ang pag-apruba ng Kamara at Senado sa propose budget, sinabi ni Senator Panfilo Lacson na mayroon pa ring pork insertions dito.
Ayon pa kay Lacson, aabot sa P83 billion ang halaga ng house insertions sa budget.
Comments