Madlang pipol, tinamad manood… Kita ng MMFF 2019, bagsak?

Nitz Miralles / Bida

Magtatapos na sa January 7 ang 2019 MMFF and hopefully, hanggang Tuesday, umabot na sa P240 M o mas higit pa ang box office gross ng Mira­cle in Cell No. 7.

Sa nakita naming update as of Jan. 1, umabot na sa P237 M ang kita ng Aga Muhlach at Xia Vigor movie ng Viva Films at nasa number one slot pa rin.

Number two ang The Mall, The Merrier with P231 M; 3Pol Trobol with P76M; Mission Unstapabol with P62M; Sunod with P16M; Mindanao with P6.8­M; Write About Love with P5.6M; at Culion with P1.7M.

Ito na yata ang pinakamababang box office gross ng MMFF. Tinamad bang manood ang mga tao o dahil sa bagyong Ursula o ‘di kaya hindi lang nila gusto ang mga entries?

Excited na tuloy kaming abangan ang mga entries sa Summer Film Festival at kung ano ang magiging box office result. Sana lang, sa summer, sipagin na ang mga moviegoers na manood ng filmfest.