Sa pagsalubong ng Bagong Taon.. Walang sapol sa ligaw na bala
Madel Moratillo
Jan 2, 2020
1 min read
Walang naitalang biktima ng ligaw na bala ang Department of Health sa pagsalubong sa 2020.
Kasabay nito, iniulat ng DOH na bumaba rin ng 35% ang fireworks-related injuries na kanilang naitala ngayon.
Batay sa December 21,2019 to January 1,2020 monitoring ng DOH, umabot sa 164 fireworks-related injuries ang kanilang naitala na mababa kumpara sa 251 cases sa kaparehong petsa noong nakaraang taon.
Ayon kay Health Sec. Francisco Duque III, umaasa sila na sa mga susunod na pagsalubong sa Bagong Taon ay patuloy pang bababa ang nasabing bilang.
Comments