Van nasunog, gasolinahan damay

ILOCOS NORTE — Tinupok ng apoy ang isang van kamakalawa sa isang gasolinahan sa Bgy. Lanao, Bangui.

Ang van na nasunog ay pag-aari ni Marlon Torado, residente ng Bgy. Poblacion, Burgos sa nasabing lalawigan.

Ayon sa ulat, habang nagpapakarga ng gasolina si Torado sa kanyang van ay bigla itong nagliyab at dahil dito ay agad siya lumabas sa kanyang sasakyan.

Nabatid na nadamay ding nasunog ang ilang parte ng gasolinahan.

Wala namang iniulat na nadisgrasya sa insidente at sa ngayon ay inaalam na ng mga awtoridad ang sanhi ng pagkasunog ng van.