Pramis ni P- Du30 na 5-minute Cubao pa-Makati, napako

Idinepensa ng Malacañang si Pangulong Rodrigo Duterte kaugnay sa ipinangako nito na magiging limang minuto na lamang ang biyahe mula sa Cubao, Quezon City patungong Makati pagsapit sa buwan ng Disyembre.

Sinabi ni Presidential Spokesman Salvador Panelo na kakayanin pa rin ng Pangulo na tuparin ang kanyang pangako bago pa man matapos ang kanyang termino sa 2022 kung saan may mga kalakaran aniya bago matupad ang isang pangako.

Kung hindi man aniya ito matutupad ngayong Disyembre, may pag-asa pa naman na makamit ito.

“Alam mo ang pangako depende sa mga factor o kalakaran na magbibigay- prutas sa kanyang pangako. Kung hindi natupad ‘yung mga kalakaran na ‘yun, hindi pa magaganap ‘yun at ibig sabihin, kung hindi magaganap ngayong taon, hindi magaganap hanggang sa matapos ang kanyang termino,” paliwanag pa ni Panelo.