Hindi nagre-remit sa kontribusyon ng empleyado.. Employer, habambuhay kulong
BRT
Dec 23, 2019
1 min read
Parusang ‘reclusion perpetua’ o habambuhay na pagkakakulong ang inihihirit laban sa mga employer na hindi nagre-remit ng kontribusyon ng kanyang mga empleyado.
Ayon kay Cong. Eric Yap ng ACT-CIS, halos araw-araw ay may nagsusumbong laban sa mga employer na hindi nagre-remit sa SSS, PHILHEALTH at PAG-IBIG contribution ng kanilang mga empleyado pero, ikinakaltas na sa kanilang mga suweldo.
Sa ngayon, mababa lang umano ang parusa sa mga employer na hindi nagre-remit kaya bumabalangkas na ng panukalang-batas na magpapataw ng mas mabigat na parusa para matigil na ang panlolokong ito.
Comments