Dagdag-bawas sa presyo ng gas

Magpapatupad ng dagdag-bawas sa presyo ng produktong petrolyo, bukas.

Sa maagang abiso ng Pilipinas Shell, epektibo bukas ng alas-6:00 ng umaga ang 60 sentimos na taas-presyo sa kada litro ng kerosene at 40 sentimos naman sa diesel habang walang paggalaw sa presyo ng gasolina nito.

Ang bagong dagdag-presyo sa petrolyo ay kaugnay sa paggalaw ng presyuhan ng langis sa pandaigdigang pamilihan.

Sa pagtaya ng industriya ng langis, posibleng tumaas ng 50-60 sentimos ang presyo ng kerosene, 30-40 sentimos sa diesel, samantalang, walang paggalaw o marahil bumaba pa ng 10 sentimos ang presyo ng gasolina.

Disyembre 10, huling nagbaba ng presyo ang Pilipinas Shell ng 40 sentimos sa kanyang gasolina at kerosene habang walang paggalaw sa presyo ng diesel nito.