Nagpakatotoo lang… Coco, kabadong makasama si Angelica

Ronalyn Seminiano / Showbiz Trends

Sasabak si Coco Martin sa bagong project at siguradong patok ito dahil first time nilang magtatambal sa pe­li­kula ni Angelica Panganiban na nag­bida sa katatapos lang na Unbreakable together with Bea Alonzo.

Excited pero kabado si Coco para sa rom-com movie nila ni Angelica under Star Cinema na may working title na Love Or Money directed by Mae Cruz-Alviar.

Aniya, “Kasi bagong kombinasyon, and definitely ‘yung project, ibang-iba sa Probinsyano. Kasi ang tagal ko na sa Probinsyano, eh. Ngayon, excited ako kasi magbabalik ako sa drama and at the same time, si Angge, napakaga­ling na artista sa drama and comedy kaya nakaka-pressure para sa akin.”

Four years na ang Ang Probinsyano at kahit naging parte na nito si Ange­lica, excited din daw ang magandang aktres na muling makatrabaho si Coco.

Sey ni Angelica, “Siyem­pre, ang tagal natin siyang nakikita sa Probinsyano. Nag-Probins­yano ako pero sandali lang, isang bu­wan lang, so iba rin ‘yung ma­gi­ging experience na maka­gawa ng movie together. Ibang flavor naman ang gagawin niya, iba rin ang maio-offer namin.”

Para sa pagtatambalang pro­yekto ng dalawa, maggi-give way daw muna ang action-serye ni Coco.

Biro ni Angelica, “Stop muna ang Probinsyano. Ako lang ang makakapag­patigil.”

Hirit naman ni Coco, “Sa­­nay naman ako na ha­bang may Pro­binsyano, gu­magawa rin ako ng pelikula. Kasi talagang pinag­ha­han­daan namin ito. Sabi nga namin, sinu­su­bukan namin na sana, maihabol namin for Valen­tine’s Day.”