Jail officer, patay sa sunog

Matinding pinsala ang tinamo ng isang opisyal ng Bureau of Jail Management and Penology makaraang ma-trap sa sunog sa Bgy. San Jose, Antipolo City, Rizal.

Batay sa report, alas-4:55 ng hapon nang magsimula ang sunog sa bahay ng biktimang si J/Supt. Greg Sibug, 47, nakatalaga sa National Headquarters.

Dala marahil sa kapal ng usok at mabilis na pagkalat ng apoy kaya hindi nakalabas ang biktima.

Agad namang rumesponde ang mga bumbero at pinilit pang maisalba ang biktima saka dinala sa pagamutan.

Gayunman, idineklara itong dead-on-arrival.

Patuloy namang inaalam ang sanhi ng insidente at halaga ng pinsala.