Dahil sa sakit sa puso.. Noynoy, naospital

Itinanggi ni dating Pangulong Benigno ‘Noynoy’ Aquino III ang napaulat na sasailalim siya sa heart procedure sa Makati Medical Center.

Ayon kay Abigail Valte, dating tagapagsalita ni Aquino, nagbiro pa ang dating pangulo na kaya heart procedure ang napaulat dahil siya ay heartbroken.

Kinumpirma rin ni Valte na nasa MMC si Aquino ngunit, para lamang sa kanyang iskedyul na check-up at routine procedure at tiniyak na nasa maayos na kalagayan.“Former President Noynoy Aquino is at the Makati Medical Center for a scheduled check-up and a routine procedure. While he is currently under observation, I was able to speak to him and apprise him of what is being reported in media. Nagbiro pa na baka raw kaya heart procedure ang balita kasi heartbroken siya. He’s alright and in high spirits, and thanks everyone for their concern,” nakasaad sa text ni Valte. Matatandaang, inihayag ng kanyang kapatid na si Kris Aquino na may sakit ang kanyang kuya kaya hindi nakita ng publiko sa death anniversary ng kanilang tatay.