Bayaning Pinoy surfer, flag bearer sa closing ceremony; Gold pa sa skate

Inihayag ni Team Philippines chef de mission PSC Chairman William Ramirez na magkakaroon ng malaking partisipasyon si 24-year-old Roger Casugay sa closing ceremony ng biennial meet dahil siya ang magiging flag-bearer.

“The SEA Games awakened the bayanihan spirit and volunteerism among us. The very spirit shown by the heroism of Roger who gave up his chance for a golden finish to save an opponent at risk of losing his life to the very waves they play in,’’ wika ni Ramirez. “Truly a class act, a solid show of the Filipino spirit.’’

Samantala, nagdagdag ng isa pang gold medal ang Philippine National Skateboarding Team para sa medal tally ng bansa noong Linggo sa 30th Southeast Games skateboarding competition sa Cavite.

Isa na rito ang napanalunan ni Jaime De Lange sa downhill event. “It was a dream come true for me to win here in the SEA Games,” pahayag ni De Lange matapos mangibabaw sa kanyang event na ginanap sa Maragondon-Nasugbu road sa Cavite.

Sumegunda sa kanya ang teammate na si Duke Pandeagua para sa silver habang pumangatlo si Lugman Shahrafidz Ahmad ng Malaysia para sa bronze.