4 PH fighters, pasok na sa SEAG finals

Apat sa limang Pinoy fighters ang nagawang pasukuin ang kani-kanilang karibal noong Linggo upang makapasok na sa final round ng kickboxing competition ng 30th Southeast Asian Games sa Cuneta Astrodome.

Pinangunahan ni Renalyn Dacquel ang PH squad sa bisa ng second round referee-stopped-contest victory laban kay Indonesia’s Priscilla Lumban sa women’s -48kgs full contact class.

Umarangkada ang atake ni Manabo, ang 22-year-old native ng Abra at ipakita ang kanyang mahusay na boxing skills bilang pro fighter upang idemolis ang kalaban.

“It’s a nice feeling to see your training bearing fruits. The training is really taxing,” masayang sabi ni Dacquel.

Ginapi rin ni Gina Iniong si Lai Thi Nga 3-0 ng Vietnam para masalang siya sa gold medal match ng women’s -55kgs kick light category habang si Jerry Olsim ay umiskor ng 3-0 win kontra Indonesia’s Serial Efendi sa men’s -69kgs kick light division.

Ang ikaapat na Filipino fighter na si Jomar Balanguie ay naka-usad din sa men’s -54kgs low kick title nang pasukuin si Cambodia’s Cham Khem.

Pero masaklap namang yumuko si Karol Maguide kay Indonesian Rumahpasal Aprilando ng Indonesia 0-3 sa men’s 51kg full contact semifinal.

Umaasa naman si Jean Claude Saclag na masundan ang yapak ng teammates tungo sa finals sa sandaling makasagupa na niya sa men’s 63.5kg low kick semifinal habang isinusulat ito kahapon.