9 tiklo sa droga

Siyam na hinihinalang sangkot sa ilegal na droga ang nadamba ng mga awtoridad sa magkahiwalay na buy-bust operation sa Valenzuela City.

Ayon kay Valenzuela Police Chief Col. Carlito Gaces, alas-12:10 kahapon ng hatinggabi nang ikasa ng mga operatiba ng SDEU Team 4 sa pangunguna nina PCpt. Segundino Bulan, Jr. at PEMS Noel Barnedo ang buy-bust operation sa Bgy. Gen T De Leon sa koordinasyon sa PDEA na nagresulta sa pagkakaaresto kina John Mark Arcinas, 29; John Christopher Angulo, 30; Broxin James Dinglasa, 23, at Luis James Enaje, 20, pawang nasa watchlist.

Ani PCpl. Christopher Quiao, nakumpiska sa mga suspek ang P300 buy-bust money at 0.70 gramo ng shabu na nasa P4,760 ang halaga.

Alas-7:40 naman ng gabi nang masakote ng mga operatiba ng SDEU sa buy-bust operation sa P. Deato St., Marulas si Montano Gagante Jr., 40, at nakuha sa kanya ang P200 buy-bust money at .2 gramo ng shabu na nasa P1,300 ang halaga.

Timbog din ng mga operatiba ng SDEU sa pangunguna ni PSSg. Rolando Magno sa buy-bust operation sa Compd. 2, Sitio Cabatuhan, Gen T De Leon alas-11:30 ng gabi si Rolando Arzala, 47, truck driver; Jericho Pelenio, 38, field officer, at Jayson Carreon, 19.

Ayon kay PSMS Fortunato Candido, narekober sa mga suspek ang P500 buy-bust money, P200 bill at 0.5 gramo ng shabu na nasa P3,400 ang halaga.

Nauna rito, nadamba rin ng mga operatiba ng SDEU Team 3 sa pangunguna ni PCpt. Bulan, Jr. sa buy-bust operation sa Sitio Cabatuhan Compd. Gen T De Leon, alas-9:20 ng gabi si Josie Amaro, 55. Nakumpiska sa kanya ang P300 buy-bust money at 2.5 gramo ng shabu na P18-K ang halaga.