Driver nakaidlip.. Ambulansiya swak sa bangin

Photo: gmanetwork

Sugatan ang driver makaraang mahulog sa bangin ang minamaneho nitong ambulansiya sa Imelda, Zamboanga Sibugay, kamakalawa ng gabi.

Nagtamo ng mga galos sa katawan ang hindi na pinangalanang driver na nasa ligtas ng kondisyon.

Sa inisyal na ulat, pabalik na mula Zamboanga City ang ambulansiya matapos maghatid ng pasyente.

Gayunman, pagsapit sa bahagi ng national road ng Bgy. Lower Baluran ay nahulog ito sa bangin na may lalim na 30 metro.

Dahilan umano ng pagkahulog ng ambulansiya sa bangin ay ang pagkakaidlip ng driver.