Swimming at Muay Thai, gold; Gabuco, panalo vs. Thailand

Nakasungkit ng gold medal ang Muay Thai para sa Pilipinas.

Nakopo nina Jearome Calica at Joemar Gallaza ang ginto sa men’s Wai Kru Mai Muay sa score na 9.590 kontra silver medalists Vietnam’s Tang Quyen Nguyen at Tran Duy Nhat Nguyen.

Sa fencing, silver medal ang nakuha ni Hanniel Abella sa women’s individual epee, nang yumuko sa gold medal round 15-12 kay Singaporean Abdul Rahman Kiria Tikanah sa final na idinaos sa World Trade Center sa Pasay City.

Samantala, dinomina ni dating World Champion Josie Gabuco ang kanyang Thailand opponent na si Chutamat Raksat, 4-1 upang pasimulan ang magandang kampanya nito para sa 30th Southeast Asian Games sa Philippine International Convention Center Forum sa Pasay City.

Nakakuha ng 30-27, 29-28, 30-27 at 30-27 iskor ang defending SEA Games champion mula sa apat na judges’ para sa unang panalo sa quarterfinal round ng women’s under 48kgs category.

Sa swimming, sa wakas nakaginto rin ang ‘Pinas sa katauhan ni James Deiparine sa men’s 100-meter breaststroke sa Aquatics Center sa Capas, Tarlac.

Iyan ang unang ginto ng bansa sa swimming mula 2009. Naorasan si Deiparine ng 1:01.46 upang talunin ang Vietnam at Singapore.