PHISGOC, sira na kay P-Duterte dahil sa mga kapalpakan sa SEA Games
P-DUTERTE, DISMAYADO SA PHISGOC KAYA KAPAG MAY MALAKING EVENT DAW ULIT SA PILIPINAS, AFP NA ANG MAMAMAHALA—Sabi ni P-Duterte, sa susunod daw na magkaroon ng event sa bansa na tulad ng ginaganap ngayong 30th Southeast Asian Games ay sa AFP na niya ito ipamamahala.
Sa tema ni P-Duterte, halatang dismayado ito sa mga kapalpakan sa SEA Games na inorganisa ng Philippine Southeast Asian Games Organizing Committee (PHISGOC) sa pamumuno ni Speaker Alan Peter Cayetano, period!
◘◘◘
WALA PANG IMBESTIGASYON, CAYETANO ABSUWELTO AGAD?—Ayon kay P-Duterte, kung may korupsiyon daw na ginawa ang PHISGOC sa SEA Games, hindi sangkot dito si Cayetano.
Hindi pa nga nagsasagawa ng imbestigasyon ang Ombudsman at Senado, inabsuwelto na agad ni P-Duterte si Cayetano? Tsk-tsk-tsk!
◘◘◘
NOON SA LUZON LANG ANG JUETENG, NGAYON MERON NA RIN SA VISAYAS—Isang “Reden” daw ang may raket na jueteng ngayon sa Cebu City.
Ganu’n? Aba, noon, ang jueteng ay nasa Luzon lang, pero ngayon, mayroon na rin pala sa Visayas?
Buwisit!
Comments