Kahit tinakasan noon… Migo Adecer, lusot sa nabanggang 2 MMDA

Ronalyn Seminiano / Showbiz Trends

After 8 months, “acquitted” ang naging desisyon ng Makati Regional Trial Court sa kaso ng Kapuso actor na si Migo Adecer kaugnay ng simple disobedience case na isinampa sa kanya dahil sa pagtakas sa nasagi niyang dala­wang MMDA employees nu’ng March 26, 2019 sa Bgy. Poblacion sa Makati.

Matatandaang napaulat noon na tinangka ni Migo na takasan ang mga aw­toridad at mabilis niyang pinaandar ang kanyang kotse kaya tinamaan ang police mobile car sa likuran niya.

Dahil dito, kinasuhan si Migo ng reckless imprudence resulting in damage to property at simple disobedience.

Hindi na pinatawan ng kasong reckless imprudence resulting in physical injuries and damage to government property ang aktor dahil pinatawad din siya ng MMDA employees na nabangga niya.

Nakatulong din ang kusang pagsama ni Migo sa mga awtoridad matapos maha­rang ng kapulisan, napagaan ang kanyang kaso.

Ang hatol ni Assisting Judge Catherina Manzano kay Migo ay “WHEREFORE, in light of the foregoing, the accused DOUGLAS ERROL DREYFUS ADECER is hereby ACQUITTED of the crime of Simple Disobedience in CRIM CASE No. M-MKT=19-02388-CR, for failure of the prosecution to prove the guilt of the accused beyond reasonable doubt.”